Սեպտեմբեր 1-ի իր համարում «Հրապարակ» օրաթերթը հարցազրույց է հրապարակել Համերաշխություն Շարժման համակարգող, ՀՀ Ոստիկանության հասարակական խորհրդի անդամ Սարգիս Ավետիսյանի հետ` նվիրված հասարակական խորհրդի գործունեությանը:

Լրագրողի այն հարցին, թե Ինչո՞ւ հասարակական խորհուրդը մինչ այժմ կենդանության նշաններ ցույց չի տալիս: Երկու տարում թե՛ քաղաքական ակցիաների հետ կապված, թե՛ Վահան Խալաֆյանի գործով բավական իրադարձություններ եղան, այնինչ հասարակությունը չի տեսնում որեւէ գործունեություն, - Ս.ավետիսյանը պատասխանել է, որ Հասարակական խորհուրդը ոստիկանապետին կից, ավելի շատ ստեղծված է որպես մի միավոր, որն ավելի պետք է կապը ապահովի ժողովրդի եւ ոստիկանության միջեւ եւ փորձի փոխել ժողովրդի վերաբերմունքը ոստիկանության հանդեպ դեպի դրականը: Բայց գաղտնիք չի, որ մեր հասարակությունը ոստիկանին այսօր դիտում է ոչ թե որպես իր իրավունքների պաշտպանի, այլ հասարակության մի զգալի հատված, գուցե նաեւ ոչ իրավացիորեն, դիտում է որպես իր իրավունքների խախտող: Ոստիկանությունում տարբեր մարդիկ են աշխատում, կա եւ լավը, եւ վատը: Այն դիտվում է որպես պետության հենասյուներից մեկը: Եթե էս տեսանկյունից մոտենանք, հասարակական խորհւրդը ստեղծվել է, որ պետության հենասյուներից մեկը ամրապնդի` հասարակության հետ կապն ապահովելով....

Հարցազրույցն ամբողջությամբ կարդացեք http://www.hraparak.am/2010/09/01/kaxardakan-paytik-chuni-hasarakakan-xorhurd-uni/http://www.hraparak.am/ կայքում:

Օրերս Համերաշխություն Շարժման երիտասարդական խորհրդի մի խումբ անդամներ մասնակցել են լեհական  «Համերաշխություն» Արհմիութենական Շարժման երեսուն ամյակին նվիրված միջոցառումներին: Հիմնական միջոցառումները տեղի են ունեցել Գդանսկ քաղաքում, որտեղ էլ 1980 թվականին սկիզբ առավ ժամանակակից Եվրոպայի ամենամեծ և ամենահզոր դեմոկրատական ալիքը: Երիտասարդ համերաշխականներն այցելել են «Ճանապարհ դեպի Ազատություն» ցուցահանդեսը, մանակցել են տեղի երիտասարդական կառույցների կողմից կազմակերպված հավաքներին ու քննարկումներին: Հայ և լեհ երիտասրդները ծաղիկներ են դրել նաև  հայր Յերզի Պոպուլեցկու հուշարձանին, ով  սպանվել էր այդ տարներին: Մասնակիցներից մեկի` Հրանտ Առաքելյանի խոսքերով իրենք մեծ ոգևորությամբ են ծանոթացել այս հզոր Շարժման ընթացքի ամեն մի էջին և պատրաստվում են նոր փորձը ներդնել նաև կուսակցական շինարարության մեջ: Գդանսկում գտնվող «Համերաշխության» կենտրոնակայանում կայացած հանդիպումների ժամանակ նրանք  փոխանցել են նաև Սարգիս Ավետիսյանի շնորհավորական նամակը` հրավիրելով պատասխան այցով ժամանել Երևան:

Մայիսի 25-ին Համերաշխություն կենտրոնական գրասենյակում հյուրընկալվեց հայտնի ռեժիսոր, հեռուստալրագրող Ցվետանա Պասկալևան: Հանդիպումը մեր հասարակության հայտնի մտավորականների հետ կազմակերպվող հանդիպումների շարքից էր: Կուսակցության նախագահը մանրամասն ներկայացրեց Համերաշխություն Կուսակցության ստեղծման պատմությունն ու անցած ուղղին: Իր հերթին հյուրը շնորհակալություն հայտնեց ջերմ հանդիպման հնարավորության համար, ապա ներկաներին պատմեց իր կյանքի որոշ դրվագներ, որոնք այդ իմաստուն կնոջն առհավետ կապել են մեր երկրին: Նա ասաց, որ ինքն արդեն Հայսատանում է ապրում  19 տարի և այդ ընթացքոևմ ադրբեջանցիներն իրեն 3 անգամ մահապատժի են դատապարտել: «Այդ տարիների ընթացքում շատ դառն օրեր եմ ապրել փոքր որդուս` Դավիթի հետ, բայց երբեք չեմ մտածել Հայաստանից գնալու մասին, շատերը կարծել են, թե լքել եմ Հայաստանը, բայց ես մեկ ժամ չեմ բացակայել այստեղից: Ինձ համար «Մեր Ցվետանան» արտահայտությունը վեր է ամեն տեսակ պետական պարգևից. հասարակ ժողովրդի սերն ինձ պահեց այս երկրում»,-ասում է հայտնի բուլղարուհին, ով իր կյանքը նվիրել է Արցախյան խնդրի լուսաբանմանը: Անդրադառնալով Համերաշխության գաղափարին Պասկալևան մեծ ոգևորությամբ է ընդունել հիմնական գաղափարական դրույթները և ներկա համերաշխականներին մաղթել է չնահանջել պայքարից` որքան էլ այն դժվար լինի և հասնել վերջնական հաղթանակի: Հանդիպման վերջում տեղի է ունեցել փոքրիկ հյուրասիրություն, իսկ հյուրն իր տպավորություններն է գրել Համերաշխության հյուրերի գրքում:

Մայիսի 9-ին` Մեծ Հայրենական Պատերազմի հաղթանակի և Շուշիի ազատագրման օրը, Համերաշխություն կուսակցության երիտասարդական թևի մի խումբ ակտիվիստներ այցելեցին Մայր Հայաստան հուշահամալիր` իրենց հարգանքի տուրքը մատուցելու այս սարսափելի պատերազմում հաղթանակը նվաճած հերոսներ հիշատակին: Երիտասարդների մյուս խումբն էլ այցելեց Եռաբլուր, ուր հանգչում են Արցախյան պատերազմի մերօրյա հերոսները: Մայր Հայաստան հուշահամալիրի Անմար Կրակին ծաղիկներ դնելուց հետո հետո երիտասարդները հավաքվեցին և լսեցին բաց դաս` նվիրված Մեծ Հայրենականում հայ ժողովրդի ունեցած դերի մասին: Բաց դասը վարում էր երիտասարդական խորհրդի անդամ Անի Առաքելյանը, ով ասաց. «Այժմ շատ կարևոր է, որպեսզի մենք` երիտասարդ սերնդի ներկայացուցիչներս

Ապրիլի 30-ին Համերաշխություն կուսակցության մի խումբ ակտիվիստներ, կուսակցության առաջնորդի գլխավորությամբ հանդիպում են ունեցել ՄՅՈՒԴ համալսարանի ուսանողների հետ: Հանդիպման սկզբում կազմակերպիչները համառոտ ներկայացրել են Կուսակցության անցած ուղղին և Սոլիդարիզմի գաղափարախոսության էությունը: Այնուհետև, ելույթ է ունեցել Կուսակցության վարչության նախագահ Սարգիս Ավետիսյանը, ով ներկայացրել է  Համերաշխության տեսակետները ներկայիս քաղաքական իրավրճակի վերաբերյալ: Նա, մասնավորապես, կենտրոնացել է հայ - թուրքական հարաբերությունների վրա: Ավետիսյանն ասել է, որ երկու երկրներում էլ հասկացել են բաց սահմանների անհրաժեշտությունը, խնդիրը կայանում է Թուրքիայում քաղաքական կամքի բացակայության մեջ. «Մեզ համար սահմանների բաց լինելը, առաջին հերթին, նշանակում է առավել մոտ Եվրոպա, առավել մեծ հնարավորություններ հենց երիտասարդների համար»,- ասել է նա: Անդրադառնալով Հայաստանի` գործընթացը կասեցնելու որոշմանը, Սարգիս Ավետիսյանն այն բնորոշել է որպես «սթափեցնող քայլ»: Բուռն քննարկում է ծավալվել նաև երիտասարդների առկա խնդիրներ վերաբերյալ: Ուսանողներն, ի թիվս այլ հարցերի, առաջ են քաշել աշխատատեղերի և բնակարանային խնդիրները: Սարգիս Ավետիսյանը ներկայացրել է կուսակցության դիրքորոշումը, առաջարկելով, հատկապես, էժան բնակարաններ կառուցել և անվճար տրամադրել երիտասարդ ընտանիքներին մեր երկրի թույլ զարգացած բնակավայրերում: Վերջում հյուրերն ու կազմակերպիչները փոխանակվել են խորհրդանշական նվերներով:

Սիրելի հայրենակիցներ, կուսակցական ընկերներ, Շարժման համակիրներ. Այսօր մենք իննսունհինգերորդ անգամ ոգեկոչում ենք Ցեղասպանության անմեղ զոհերի հիշատակը: Մենք մեր բողոքի ձայնն ենք բարձրացնում Հայկական Հոլոքոստի ուրացման քաղաքականության դեմ: Համոզված ենք, որ հայ ժողովուդը, որպես ցեղասպանություն տեսած ազգ, պարտավորություն է կրում մարդկության առջև` նման ողբերգություններն ապագայում կանխելու համար: Մենք կոչ ենք անում Թուրքիայում գործող բոլոր առաջադեմ ուժերին շարունակել պայքարը` հանուն արդարության: Միաժամանակ շնորհակալություն ենք հայտնում բոլոր այն գաղափարակից ուժերին, որոնք նպաստել և նպաստում են ուրացման քաղաքականության դատապարտմանը: Մենք մեր երկրի բոլոր քաղաքական ուժերին կոչ ենք անում գործել համերաշխաբար և միասնական ուժերով նպաստել մեր հայրենիքի կայացմանը` ի հիշատակ բյուրավոր անմեղ զոհերի: Թող Աստված լուսավորի մեր նահատակների հոգիները...:

Համերաշխություն Շարժման համակարգող,

Համերաշխություն կուսակցության նախագահ

Սարգիս Ավետիսյան                                                                  Երևան, 24.04.2010

Եղեռն ասելով ողջ աշխարհում պիտի հասկանան Հայոց Ցեղասպանություն

Ցեղասպանության ճանաչման ու հայ - թուրքական հարաբերությունների մասին է այսօր խոսել Համերաշխություն Շարժման ղեկավար Սարգիս Ավետիսյանը: Նա մասնավորապես ասել է, թե շարժման խորհրդի անունից նամակ են հղել Միացյալ Նահանգների նախագահ բարաք Օբամային` կոչ անելով պաշտոնապես դատապարտել Հայոց ցեղասպանության կազմակերպիչ երկրի որդեգրած ուրացման քաղաքականությունը: Խոսելով  հայ - թուրքական հարաբերություններից` Շարժման ղեկավարն ասել է, թե Հայաստանը փայլուն արտաքին քաղաքականություն է վարում, և Թուրքիան շուտով կվավերացնի հայ - թուրքական հարաբերությունները:

Աղբյուր` www.armradio.am                                                        20.04.2010

Ապրիլի 12-ին «Համերաշխություն» Կուսակցության մի խումբ անդամներ նախագահ Սարգիս Ավետիսյանի գլխավորությամբ այցելություն կատարեցին մեր երկրում Լեհաստանի դեսպանություն` հարգանքի տուրք մատուցելու այդ երկրի նախագահի հիշատակին: Նախագահ Լեխ Կաչինսկին իր քաղաքական մկրտությունն ստացել է «Համերաշխություն» արհմիութենական շարժմանն անդամակցելու տարիներին: Առաջնորդվելով Սոլիդարիզմի գաղափարներով` նա երկար տարիներ պայքարել է իր երկրի քաղաքական ազատությունների համար: Կուսակցության նախագահ Ս. Ավետիսյանն ասել է. «Մեծ վշտով տեղեկացանք այս ցավալի կորստի մասին, խոսքեր չեմ գտնում վիշտս արտահայտելու համար. պարոն Կաչինսկու հետ հանդիպել ենք դեռ Վարշավայի քաղաքապետ եղած ժամանակ և մինչ այժմ տպավորված եմ նրա անսահման լավատեսությամբ ու հավատով...: Լեհ ժողովուրդը մեծ կորուստ կրեց իր անվանի գործիչների այս ողբերգական վախճանով: Ընդունեք խնդրեմ մեր անկեղծ ցավակցությունները. Աստված մեզ օգնական...»:

Ապրիլի 10-ին կուսակցության կենտրոնական գրասենյակում տեղի է ունեցել վարչության նիստ, որում քննարկվել են կուսակցական շինարարության հետ կապված բազմաթիվ խնդիրներ: Մասնավորապես, բուռն քննարկումների առարկա է դարձել, հատկապես, մարզային ներկայացչությունների գրասենյակային խնդիրները: Որոշվել է գրասենյակային ապահովվածության խնդիրները լուծելու նպատակով ստեղծել աշխատանքային խումբ` կուսակցության փոխնախագահի ղեկավարությամբ: Աշխատանքային խմբի հաշվետվությունը վարչությունը կլսի երկրորդ եռամսյակում: Նիստի ընթացքում քննարկվել են նաև Ապրիլի 24-ին կայանալիք Սգո Երթի կազմակերպական աշխատանքների ընթացքում առաջացած խնդիրները:

Մարտի 29-ին ԱՐ հեռուստաընկերությունը եթեր է հեռարձակել «Ճանապարհ» հաղորդաշարը, որին հյուրընկալվել էին Համերշխություն կուսակցության նախագահ Սարգիս Ավետիսյանը և թուրքագետ Անուշ Հովհաննիսյանը: Բանախոսները ներկայացրել են իրենց դիրքորոշումները Հայ - Թուրքական հարաբերությունների ներկա փուլի վերաբերյալ: Մասնավորապես, Անուշ Հովհաննիսյանն ասել է, որ Թուրքիան ի սկզբանե մտել է խաղի մեջ ունենալով թաքնված նպատակներ, որոնք կարելի կլիներ իրականացնել արձանագությունների ստորագրումից մինչև վավերացում ընկած ժամանակահատվածում: Սարգիս Ավետիսյանը, կիսելով իր ընդդիմախոսի տեսակետը, ասել է, որ նման պարագայում մեր արտաքին քաղաքականության ղեկավարները կարողացան առավել ճկուն գտնվել և ոչ միայն դիմագրավեցին թուրքական ճնշումներին, այլև` ստիպեցին տարիների փորձառություն ունեցող դիվանագիտությանը սխալներ գործել, ինչի ապացույցը եղավ Ռ. Էրդողանի վերջին հայտարարությունները: Մեր երկրի արտաքին քաղաքական ուղեգիծը հստակ է և հասկանալի բոլոր միջազգային սուբյեկտների համար, ինչը հնարավոր չէ ասել Թուրքիայի պարագայում: Հեղինակի այն հարցին, թե ինչ է պետք անել այժմ, Սարգիս Ավետիսյանը պատասխանել է, որ ըստ կուսակցության տեսակետի, ներկայումս հարկավոր է շուտափույթ կերպով վավերացնել այդ արձանագրությունները և սպասել: «Համոզված ենք, որ նման քայլ կատարելով, Հայաստանն իրեն ապահովագրում է հետագա հնարավոր ճնշումներից` գործընթացի տապալման պատասխանատվությունն ամբողջությամբ դնելով Թուրքիայի վրա»,- ասել է Համերշխություն կուսակցության նախագահ Սարգիս Ավետիսյանը:

Մարտի 26-ին Անի հյուրանոցում տեղի ունեցավ ԱՄՆ Ազգային Ժողովրդավարության Ինստիտուտի աջակցությամբ կազմակերպվող Երիտասարդական Առաջնորդության  Դպրոցի առաջին շրջանավարտներին վկայականների հանձնման հանդիսավոր արարողությունը: Համերաշխություն կուսակցության Երիտասարդական Խորհրդի երեք անդամներ մեկ տարի շարունակ մասնակցեցին այս դասընթացներին և ստացան ավարտական վկայականներ: Այս ուսուցողական դասընթացների նպատակն է խթանել երիտասարդների մասնակցությունը Հայաստանի քաղաքական և սոցիալական կյանքում, երիտասարդներին տալ առաջնորդությանն առնչվող պրակտիկ հմտություններ և գիտելիքներ, մեծացնել առաջնորդության, քաղաքացիական մասնակցության և ընտրագործընթացների վերաբերյալ նրանց գիտելիքները:  Միջոցառման ավարտին հյուրերը և շրջանավարտները շամպայնի լի գավաթներով շնորհավորեցին միմյանց:

Մարտի 18-ին Համերաշխության կենտրոնական գրասենյակում տեղի ունեցավ կուսակցության վարչության ընդլայնված նիստ: Օրակարգում եղել են մի շարք հարցեր. մասնավորապես քննարկման առարկա է դարձել Հայաստանի արտաքին քաղաքականության ներկայիս կուրսը` հատկապես Հայ - թուրքական գործընթացը և Արցախյան հիմնախնդրի շուրջ ընթացող վերջին զարգացումները: Քննարկման արդյունքում որոշվել է այս  խնդիրների շուրջ ներկուսակցական բանավեճեր կազմակերպել կուսակցության տարածքային ստորաբաժանումներում, որոնց արդյունքները կամփոփվեն մայրաքաղաքում կազմակերպվելիք կուսակցական ֆորումում: Այդ աշխատանքների կազմակերպման վերահսկողությունը դրվել է կուսակցության փոխնախագահ Ս. Հակոբյանի վրա: Վերջինիս առաջարկով վարչությունը քննարկել է նաև ՄԵծ Եղեռնի իննսունհինգամյա տարելիցի միջոցառումներին կուսակցության մասնակցության նախապատրաստական հարցերը: Որոշվել է երիտասարդական խորհրդի ջանքերով կազմակերպել զեկույցների ունկնդրումներ "Ցեղասպանության հնարավոր ճանաչման քաղաքական հետևանքները" և "Ցեղասպանության լուսաբանումը միջազգային մամուլում" թեմաներով, իսկ Ապրիլի 24-ին Սգո Երթով բարձրանալ Ծիծեռնակաբերդի բարձունք:

Սույն թվականի հունվարի 26-ին  Համերաշխություն Շարժման համակարգող Սարգիս Ավետիսյանը դասախոսությամբ հանդես եկավ ԱՄՆ Ազգային Ժողովրդավարության Ինստիտուտի երևանյան գրասենյակի կողմից կազմակերպվող կին առաջնորդների դպրոցում: Հանդիպման սկզբում բանախոսը ներկայացրեց իր անցաց քաղաքական ուղին, պատմեց հայաստանյան քարոզարշավի կազմակերպման եվ անցկացման առանձնահատությունների մասին, որից հետո սկսվեց հարցուպատասխանը: Լսարանում ներկա էին ինչպես քաղաքական, այնպես էլ հասարակական կազմակերպությունների կին առաջնորդներ, ովքեր էլ հանդես եկան զանազան հարցադրումներով: Պատասխանելով հարցերին` Ս. Ավետիսյանը կարևորեց ժողովրդավարության կայացման անհրաժեշտությունը մեր երկրում` միաժամանակ նշելով, որ առանց համերաշխության մենք ոչնչի չենք հասնի: Անդրադառնալով հայ - թուրքական վերջին զարգացումներին, բանախոսը դրական գնահատեց գործընթացը և կարևորեց, հատկապես, ԱՄՆ ներկայիս վարչակազմի հետևողական քաղաքականությունը մեր տարածաշրջանում` վստահության մթնոլորտի ձևավորման ուղղությամբ: Վերջում շնորհակալություն հայտնելով ներկաներին և կազմակերպիչներին, Շարժման համակարգողը հույս հայտնեց, որ նման գեղեցիկ հանդիպման առիթներ ապագայում ևս կլինեն:

Հրանտ Դինքը սպանվեց 2007 թվականի հունվարի 19-ին: Դինքը սպանվեց ոչ միայն իր ազգային պատկանելության, այլև հասարակական ու քաղաքական ակտիվ գործունեության համար: Ծնված և ապրած լինելով թուրքական պետությունում` նա կրում էր այն բոլոր սահմանափակումների ու հալածանքների հետևանքները, որոնք բաժին եղան այդ երկրում ցիրուցան եղած հայ համայնքի բոլոր անդամներին: Բայց, լինելով առաջադեմ մտավորական, նա շատ լավ գիտակցում էր, որ այդպես շարունակվել չի կարող, որ անհրաժեշտ է երկխոսություն երկու ժողովուրդներ միջև: Թերևս, այդ գիտակցումն էր պատճառը, որ ականավոր մտավորականը ակտիվորեն համագործակցում էր Թուրքիայում գործող «Ազատություն և Համերաշխություն» կուսակցության հետ: «Թուրքիայում նաեւ մտածող ու առաջադիմական մարդիկ կան: Ես գիտեմ, որ այն մարդիկ, ովքեր իմ դուռն էին եկել՝ եկել էին ինձ ոչնչացնելու համար, սակայն թուրքերի մեջ գտնվեցին մարդիկ, ովքեր իմ դուռն եկան՝ ինձ նրանցից պաշտպանելու համար»,-հարցազրույցներից մեկի ժամանակ ասել էր Դինքը: Ցավոք, հենց իր կուսակից ընկերներն էլ ստիպված եղան այդ ծանր օրերին դուրս գալ փողոց «Մենք բոլորս հայ ենք, Մենք բոլորս Հրանտ Դինք ենք» կարգախոսներով: Մեզ հետ զրույցում բողոքի այդ ահռելի ակցիաների գլխավոր կազմակերպիչներից մեկը` Ուֆուկ Ուրասը հիշեց. «Այդ ժամանակ լոզունգների նկատմամբ բազում քննադատություններ հնչեցին մի քանի աջ-ծայրահեղական խմբավորումների կողմից, սովորական թուրքերը երկու լոզունգներին էլ քննադատաբար էին վերաբերվում։ Սակայն այժմ շատ բան է փոխվել մարդկանց մտածողության մեջ, մարդիկ սկսել են հասկանալ, որ ավելի լավ է ապրել համերաշխության, քան թշնամության մեջ: Ցավոք, դա սկսեցին հասկանալ Հրանտի կյանքի գնով, նա մի լուսավոր մարդ էր...»,- իր մտերիմ ընկերոջ մասին, արցունքները զսպելով, ասում է թուրք քաղաքական գործիչը:

2006 թվականից սկսած Դեկտեմբերի 20-ը ՄԱԿ-ի Գլխավոր Ասամբլեայի կողմից հռչակվել է «Մարդկության Համերաշխության Միջազգային օր»: Հռչակագիրը հղում է կատարում 2000-ին ընդունված Հազարամյակի Հռչակագրին, որտեղ, աշխարհի կառավարությունները «Համերաշխությունը» սահմանեցին որպես XXI դարի հիմնարար արժեքներից մեկը: Համերաշխության Միջազգային Օրը խորհրդանշում է մեր նույնականությունն ու տարբերությունը, կառավարություններին հիշեցնում է իրենց միջազգային պարտավորությունների հարգման անհրաժեշտությունը և, վերջապես, նպաստում է Համերաշխության գաղափարի կարևորության վերաբերյալ հասարակության տեղեկացվածության բարձրացմանը: Օրվա առիթով ՄԱԿ – ի Գլխավոր Քարտուղար Բան Կի-մունը տարածել է ուղերձ, որում կարևորում է Համերաշխության դերը միասնական ջանքերով հազարամյակի մարտահրավերներին դիմագրավելու առումով. «Այս միջազգային օրը թույլ տվեք վերահաստատել մարդկության պարտավորությունը Համերաշխության հանդեպ` միասնական ջանքով կառուցելով ավելի լավ, առավել անվտանգ աշխարհ` բոլորի համար»,- ասված է ուղերձում:

Նոյեմբերի 26 -ին «Արմենիա Մարիոթ» հյուրանոցում տեղի ունեցավ «Համերաշխության Մրցանակի» հանձնման հանդիսավոր արարողությունը, որին ներկա էին հայտնի մտավորականներ, հասարակական – քաղաքական գործիչներ, գործարարներ, Շարժման համակիրներ: «Տարվա ամենահամերաշխ մարդ» կոչումը շնորհվեց հայտնի երգահան Արա Գեւորգյանին, ով պարգևատրվեց Համերաշխության Շքանշանով և 001 համարի վկայկանով: Շարժման համկարգող Սարգիս Ավետիսյանը նշեց, որ այս որոշումը կայացվել է մեկ տարի տևած մշտադիտարկման արդյունքում և բազմաթիվ թեկնածուներից հենց Արա Գևորգյանն է արժանացել նման կոչման` իր հասարակական ակտիվ գործունությամբ մեր երկրում համերաշխության մթնոլորտի ստեղծմանն ու կայացմանը մեծապես նպաստելու համար: Հատկապես կարևորվեց երգահանի վերջին` «Սիրեցեք զՄիմյանս» նախագծի դերն ու նշանակությունը ողջ աշխարհում Սիրո և Համերաշխության մթնոլորտի ձևավորման գործում: «Այսօր իմ խոսքը վերաբերում է ամբողջ աշխարհի մարդկությանը և, իհարկե, մեզ: Իմ խոսքից աշխարհը միանգամից չի խաղաղվելու, բայց ամենակարևորն այն է, որ սա անում է հայը: Եվ պետք է ապացուցենք, որ մեր երկիրը, մեր ժողովուրդը խաղաղություն սիրող է, և մեզ «օկուպանտ» չանվանեն»,- իր ելույթում ասաց Արա Գևորգյանը: «Ինձ համար մրցանակն անսպասելի էր, քանի որ չգիտեի էլ, որ նման մրցանակաբաշխություն է նախապատրաստվում: Ես պատրաստ եմ իմ այս ծրագրով հանդես գալ աշխարհի տարբեր երկրներում ու խաղաղություն, համերաշխություն քարոզել»,- նշեց հայտնի երգահանը և շնորհակալություն հայտնեց կազմակերպիչներին: Միջոցառման պաշտոնական մասի ավարտից հետո ներկաները ջութակի ելևէջների ներքո լիքը գավաթներով շնորհավորեցին Տարվա ամենահամերաշխ մարդուն:

Սույն թվականի նոյեմբերի  26-ին  ժամը 15:oo-ին Արմենիա Մարիոթ հյուրանոցում տեղի կունենա "Համերաշխության Մրցանակի" հանձնման հանդիսավոր արարողությունը, - տեղեկացնում է Համերաշխություն Շարժման մամլո ծառայությունը: "Համերաշխության Մրցանակը" հիմնադրվել է 2009 թվականին Համերաշխություն Շարժման կողմից. մրցանակի նպատակն է խրախուսել այն անձանց, ովքեր իրենց հասարակական ակտիվ գործունեությամբ նպաստում են Համերաշխության մթնոլորտի ստեղծմանն ու կայացմանը: Տարվա սկզբից սկսված մշտադիտարկման արդյունքների ամփոփումը տեղի կունենա հենց մրցանակաբաշխության օրը, որին ներկա կլինեն մեր երկրի հասարակական, քաղաքական, մշակութային հայտնի գործիչներ:

P.S. Ութաթև աստղն ամբողջությամբ ձուլված է արծաթից և խորհրդանշում է տիեզերական համերաշխության գաղափարը: Կենտրոնում գտնվող շրջանը խորհրդանշում է մարդկության հարատևությունը, իսկ ձեռքերը` համերաշխ ապրելու կարիքը:

Օրերս Համերաշխություն Շարժման համակարգող խաորհրդի անդամները հանդիպումներ ունեցան Զանգակատուն գյուղի բանկիչների հետ: Մեծն Սևակի համգյուղացիները սրտաբաց և ջերմ ընդունելություն էին կազմակերպել: Հյուրերը նախ մասնակցեցին Խաչիկ Գևորգյանի պատվին գյուղի մշակույթի տանը կազմակերպված ցերեկույթին, ապա` հանդիպումներ ունեցան Զանգակատան բնակիչների հետ` պատասխանելով նրանց բարձրացրած հարցերին: Միջոցառման ընթացքում ելույթներ ունեցան Համակարգող խորհրդի նախագահ Ս. Ավետիսյանը, անդամ Արմեն Կարապետյանը, ինչպես նաև Զանգակատան համայնքապետը: Բանախոսները երախտագիտության և գովեստի խոսքեր հղեցին օրվա հոբելյարին, ով նշում էր իր ութսունհինգամյա հոբելյանը: Վերջինս պատասխան ելույթում նախ շնորհակալություն հայտնեց  կազմակերպիչներն իր մեծարման միջոցառումը կազմակերպելու համար, այնուհետև ներկաներին կոչ արեց սիրել միմյանց, լինել համերաշխ և շենացնել մեր երկիրը: Միջոցառման վերջում սևակյան ընթերցումներով ելույթ ունեցան գյուղի միջնակարգ դպրոցի սաները:

"ԱԶԱՏԱՄՏՈՒԹՅՈՒՆ" օրաթերթն իր նոյեմբերի 10-ի համարում Հայ-թուրքական արձանագրությունների վավերացման գործընթացում  նկատվող հարաբերական դադարի վերաբերյալ  ներկայացրել է արտախորհրդարանական ուժերի տեսակետները. Համերաշխության տեսակետը ներկայացրել է կուսակցության նախագահ Սարգիս Ավետիսյանը. 

Դեռևս անցյալ տարի «Համերաշխություն» շարժումը նախաձեռնել էր հանդիպում ու սերտ շփումներ թուրք գործընկերների հետ: Շարժման համակարգող Սարգիս Ավետիսյանը նշեց, որ անգամ այցելել են Թուրքիա, մի շարք հանդիպումներ ունեցել «Համերաշխություն և ազատություն» կուսակցության ներկայացուցիչների հետ, նախատեսվում էր նաև նրանց պատասխան այցը, սակայն համահայաստանյան շարժման վարչությունը նպատակահարմար գտավ այցը հետաձգել` ինչ-ինչ պատճառներից ելնելով: Բայց շփումների վրա դա չանդրադարձավ: Ինչ վերաբերում է դադարին, ինչին վստահ էին, ավելի շատ բխում է մեր շահերից: Սակայն քանի որ գործ ունենք թելադրվող քաղաքականության հետ, ուստի Հայաստանին ևս թելադրանքի բաժին է հասնում: Ս.Ավետիսյանը նշեց, որ մեր տարածաշրջանում քաղաքականությունն այնպիսին է եղել, որ Ռուսաստանը դեմ է հանդես եկել, սակայն այսօր իրավիճակն այլ է, և պատճառը, հիմնականում, Վրաստանն է: Այնպես որ, մենք պետք է ձգտենք գործընթացը հնարավորինս արագ հասցնել ավարտին: Իհարկե, ամենևին չի նշանակում, թե դրան պետք է հասնենք մեր պատմության ու, մանավանդ, Ցեղասպանության ուրացման հաշվին: Հակառակը: Ս.Ավետիսյանը վստահ է, որ տարածաշրջանում համերաշխության հասնելու համար Թուրքիան ինքը պետք է ընդունի դա:

www.azatamtutyun.com

«Առաջին հարցն է, թե Հայաստանն իր այսօրվա կառավարությունով ի վիճակի՞ է դիմակայել թուրքական էքսպանսիային: Ես կարծում եմ, լուրջ խնդիրներ կունենանք: Ես առաջարկ եմ ներկայացնելու, որ կառավարությունում փոփոխություններ լինեն, մենք պետք է ուժեղ կառավարություն ունենանք»,- նման տեսակետ հայտնեց «Համերաշխություն» շարժման համակարգող Սարգիս Ավետիսյանը:

www.Aysor.am                                                                   09.10.2009, 17:19

Նախագահ Սարգսյանի նախաձեռնությամբ սեպտեմբերի 17-ին տեղի է ունեցել հանդիպում–քննարկում հայ–թուրքական հարաբերությունների ներկայիս փուլի վերաբերյալ: Քննարկմանը հրավիրված էր "Համերաշխություն" կուսակցության նախագահը: Ելույթի ընթացքում Սարգիս Ավետիսյանը ներկայացրել է կուսակցության մոտեցումները խնդրի վերաբերյալ: Նա, մասնավորապես, կոչ է արել չհրաժարվել ներկայիս արտաքին քաղաքական կուրսից և վճռական քայլեր կատարել տարածաշրջանում Հայաստանի քաղաքական կշռի ավելացման ուղղությամբ: Ըստ Համերաշխության ղեկավարի այսօր մեր դիվանագիտությունն աշխատում է բավականին պրագմատիկ և պետք չէ վախենալ թուրքական ճնշումներից: "Հարձակողական Համերաշխության" կոնցեպցիան կարող է հզոր զենք դառնալ մեր դիվանագետների ձեռքում և պետք է այն հնարավորինս օգտագործել ներկայիս խնդիրների լուծման համար: Ըստ կուսակցության ղեկավարի, այսօր մեր երկիրն ունի եզակի պատմական հնարավորություն շտկել հարաբերությունները հարևան երկրի հետ և միաժամանակ պահապանել ջերմ հարաբերությունները տարածաջրջանում շահերի հետաքրքրություն ցուցաբերող գերտերությունների հետ:

 P.S. Համերաշխություն շարժումը  թեմայի վերաբերյալ պատրաստվում է  սկսել քննարկումների շարք:

Քննարկում Համերաշխության կենտրոնական գրասենյակում - Համերաշխություն շարժման կենտրոնական գրասենյակում Երևան քաղաքի 20-ից ավելի հասարակական կազմակերպություների մասնակցությամբ տեղի ունեցավ Հայաստանի  ներքին և արտաքին քաղաքականությանը առնչվող հարցերի քնարկում: Շարժման համակարգող Ս.Ավետիսյանը հանգամանալից անդրադարձավ իշխանությունների վարած արտաքին և ներքին քաղաքականությանը   վերաբերող բազմաթիվ խնդիրնեերի: Բանախոսը կարևորեց հասարակական կազմակերպություների դերը և միջամտությունը Հայաստանի հասարակական և քաղաքական կյանքում և կոչ արեց միասնական ջանքերով լծվել համերաշխության գաղափարի տարածմանը` հասարակությանը զերծ պահելով մարտիմեկյան դեպքերի կրկնություններից, ստեղծել սիրո ու համերաշխության մթնոլորտ, երկիրը "Սոլիդարիզմի" գաղափարներով առաջնորդելու միջոցով: Բանախխոսի դիտարկ մամբ համաշխարհային ֆինասատնտեսական ճգնաժամը, սոսկ, ֆինանսական ճգնաժամ չէ. այն արտացոլում է լիբերալ կապիտլիզմի վախճանը և այս ճգնաժամից դուրս գալու դեղատոմս է առաջարկում Սոլիդարիզմը` որպես նոր դոմինանտ գաղափարախոսություն:    Հանդիպման վերջում հ/կ - ների նախագահները "Համերաշխությաւն" հետ ստորագրեցին  կոչ` ուղղված հասարակության բոլոր շերտերին.

                                               ՀԱՄԵՐԱՇԽՈՒԹՅԱՆ  ԿՈՉ

    "Մենք հետևում ենք մեր երկրում ընթացող ներքաղաքական զարգացումներին և եկել ենք այն եզրահզնգման, որ ներկայիս իրավիճակը վատ սառեցված է, ավելի ստույգ`  վատ կայուն":
    ՍԻՄ-ի “ԱԶԴԱԿ” ակումբում լրագրողներին ասաց Համերաշխություն շարժման համակարգող Սարգիս Ավետիսյանը` նշելով. “Եթե իշխանությունները, շահագրգիռ ուժերը համերաշխությանն ուղղված գործողություններ չանեն, մենք անպայման կունենանք մարտի 1-ի դեպքերի կրկնությունը: Դա, իհարկե, ցավալի է, բայց փաստ է, և որպեսզի մենք խուսափենք դրանից, պետք է լուրջ քայլեր կատարենք: Այսօրվա քաղաքական ուժերը մեր հասարակության մեջ այնպիսի լարվածություն ու բեևեռացում են առաջացրել, որ ամեն պահի կարող են բախումներ լինել, ինչը շատ վտանգավոր է:”
      Իսկ առհասարակ, “Համերաշխություն” շարժումը կողմ է այն ամենին, ինչը հայ ազգի համար բերում է համերաշխություն և դեմ` բոլոր այն գործողություններին, որոնք առաջացնում են անհամերաշխ մթնոլորտ` լինի դա իշխանության կողմից, թե` ընդդիմության:
      “ Եվ իշխանությունը, և ընդդիմությունը մեր հասարակությունն են, մեր ազգը”,- ասում է Ավետիսյանը և կոչ անում երկու կողմերին էլ` իրար վերաբերվեն համերաշխաբար, քանի որ այսօր իրավիճակը ավելի շատ սրված է և տանում է թշնամության, ինչը գնալով անընդհատ խորանում է :
     “Եթե իշխանությունները մեծ ցանկություն ունենան և կոնկրետ քայլեր կատարեն այդ ուղղությամբ, ապա շրջադարձային փոփոխություններ կլինեն: Եվ ես այս պարագայում կոնկրոտ շատ կարևորում եմ ՀՀ նախագահի դերը, քանի որ նմանատիպ հարցերը սովորաբար լուծվում են ամենաբարձր մակարդակով: Ես կարծում եմ, որ մեր նախագահը նման ցանկություն ունի, և նա բազմիցս է այդ մասին խոսել` ասելով, որ ինքը համերաշխության կոմնակից է: Եվ, իսկապես, շատերն են գիտակցում, որ առանց համերաշխության հնարավոր չէ լուրջ ծրագրեր իրականացնել: Չնայած, որ բոլոր այն բարեփոխումները, որոնք քաղաքական ուժերը փորձում են այսօր ներկայացնել` անընդհատ խոսելով դրա մասին , ակնհայտ է, որ դրանք ոչ մի արդյունք չեն տալիս, և այդ բարեփոխումների փոխարեն հիմա մի տեսակ չարափոխումներ են արձանագրվում: Եվ դա այն պատճառով, որ դրանց հիմքում դրված չէ համերաշխության գաղափարը”:
       Հրավիրված ասուլիսի շրջանակներում բանախոսը անդրադարձավ նաև մի քանի կարևորագույն խնդիրների, այդ թվում` նաև Լեռնային Ղարաբաղի հիմնահարցին` նշելով որ, “Համերաշխությունը” այս հարցում ունի իր դիրքորոշումն ու հատուկ տեսակետը,  այն է.
      “ԼՂՀ շուրջ տարվող բանակցություններն ու պարբերաբար հանդիպուները որևէ լուրջ քայլի չեն հանգեցնում. հակառակը, դրանք ընդամենը ձգձգվող պրոցեսներ են, ինչը, խոշոր հաշվով, հարցի լուծմանը չի նպաստում: Մենք ունենք հարցի լուծման մեր տարբերակը, բայց կնախընտրենք այդ հարցի վերաբերյալ խոսել նախ բարձրագույն իշխանությունների հետ, հետո նոր այն ներկայացնել հասարակությանը”:
       Այսօր իսկապես ներքաղաքական կյանքում պակասում է համերաշխությունը, և հասարակության մեջ հանդուրժողականության մթնոլորտ ստեղծելու առումով բանախոսը կարևորում է նաև հեռուստատեսությունների կողմից տարվող քաղաքականությունը
      “Մեր լրատվամիջոցները, մասնավորապես` հեռուստաընկերությունները, մեղմ ասած, համերաշխություն չեն տարածում (շատ քչերն են, որ իսկապես ազատ խոսքի ջատագովներ են), հակառակը, իրենց եթերը ողողում են տարբեր տեսակի բռնություն քարոզող ֆիլմերով ու քաղաքականության մեջ ժամկետանց դեմքերով ու նորը ներմուծել չեն ուզում: Բայց անկախ ամեն ինչից, ես կարծում եմ որ լավ կլինի, եթե, այսուհետ,  մեր հանրությունն առհասարակ չարության ու ատելության մթնոլորտից տեղափոխվի համերաշխության դաշտ":
Գ.Զարգարյան
www.iravunk.com

Վերջերս, Թուրքիայի Հանրապետությունում գործող "Համերաշխություն և Ազատություն" կուսակցության հրավերով, այդ երկրում էր գտնվում "Համերաշխություն" կուսակցության նախագահ Ս.Ավետիսյանի գլխավորած պատվիրակութ յունը:Պատվիրակության անդամները հանդիպումներ են ունեցել համանուն կուսակցությաննախագահ, Թուրքիայի խորհրդարանի պատգամավոր` Ուֆուկ Ուրասի հետ: Կողմերը խոսել են հայ-թուրքական հարաբերությունների նորմալացման և մեր երկու երկրներում գործող գաղափարակից կուսակցություն  ների համագործակցության մասին և փոխադարձ համագործակցության մասին փաստաթուղթ են ստորագրել: Ուֆուկ Ուրասի հրավերով պատվիրակ  ությունը ներկա է գտնվել նրա կողմից հրատարակված գրքի շնորհանդեսին, որը տեղի է ունեցել Ստամբուլի համաշխարհային գրականության մեծ ցուցահանդեսում: Հայաստանյան պատվիրակությունը այցելել է նաև "ԱԳՕՍ" թերթի խմբագրություն և հարցազրույց տվել թերթին: Ս.Ավետիսյանը թուրքական պատվիրակությանը հրավիրել է Հայաստան:

^{Տարեսկզբին, երբ հայտարարվեց Երևանի ավագանու ընտրությունների օրը, հայաստանյան քաղաքական շատ ուժեր պատրաստակամություն հայտնեցին մասնակցել դրանց: Նրանց թվում էր նաև «Համերաշխություն» կուսակցությունը` Սարգիս Ավետիսյանի գլխավորությամբ: Վերջին պահին, սակայն, պարզվեց, որ չեն մասնակցելու, ավելին` բավական պասսիվ են նախընտրական քարոզարշավի ընթացքին հետևելու և որևէ կերպ միջամտելու առումով: Թե ինչու` ճշտեցինք Ս.Ավետիսյանից:}

^{- Պարոն Ավետիսյան, ամիսներ առաջ հայտարարեցիք, որ մասնակցելու եք Երևանի ավագանու ընտրություններին, բավականին վճռական էիք, բայց, փաստորեն, չհամալրեցիք քաղաքական այն յոթ ուժերի շարքը, որոնք հավակնում են քաղաքապետի պաշտոնին: Ինչո՞ւ հետ կանգնեցիք ու ինչո՞ւ, որքան տեղյակ եմ, քաղաքական որևէ ուժի չեք սատարում:}

^{- Իրոք, մի քանի ամիս առաջ լրջորեն պատրաստվում էինք մասնակցել ընտրություններին: Ու թեպետ մեր համախոհներն ու համակիրները դիմում են մեզ, թե ո՞ւմ ընտրել, մենք չեզոք ենք նաև այդ հարցում և չենք սատարում որևէ մեկին: Հրաժարվեցինք ընտրություններին մասնակցելուց, որովհետև սկզբունքորեն անընդունելի է Երևանի ավագանու այս կարգի ընտրություններ անցկացնելը, սա քաղաքական, գաղափարական ընտրություն չի: Որքան էլ փորձեն սա այդպիսին ներկայացնել, չենք հասկանում այդ տրաբամանությունը, որովհետև օրենքում նշված է, որ Երևան քաղաքի ավագանին չի կարող վարել այլ քաղաքականություն, քան երկրի ընդհանուր քաղաքականությունն է: Այդ իսկ պատճառով Երևանին անհրաժեշտ է ուղղակի լավ տնտեսվար, որը կզբաղվի միմիայն քաղաքի խնդիրներով:}

^{- Ընտրություններին մասնակից քաղաքապետի յոթ թեկնածուներից ո՞վ է լավ տնտեսվար:}

^{- Այս ընտրություններին որպես լավ տնտեսվար, խնդիրները դյուրին լուծող ու նաև օպերատիվ աշխատող տեսնում եմ գործող քաղաքապետ Գագիկ Բեգլարյանին, որը հենց ինքն է նշում, որ քաղաքական խնդիրներ լուծող չէ: Բայց առկա է նաև ծայրահեղություն` մյուս թևը հանդես է գալիս խիստ քաղաքականացված դիրքերից: Անգամ փոքր վերլուծության դեպքում հասկանում ես, որ եթե Գագիկ Բեգլարյանին ընտրելով կունենանք մեկին, ով լավ կառավարիչ է, ապա Լևոն Տեր-Պետրոսյանի դեպքում կունենանք քաղաքական լիդերի, որը կզբաղվի ավելի շատ քաղաքականությամբ, քան Երևանի խնդիրներով:}

^{- Իսկ մյո՞ւս ուժերը:} 

^{- Կարծում եմ, ընդդիմության հնարավորությունները մեծ են: Ամեն դեպքում ես գտնում եմ, որ Սերժ Սարգսյանի նախագահության օրոք առաջին ընտրություններն անցնելու են արդար, քանզի դրա երաշխավորողը հանրապետության նախագահն է:}

 ^{- Պարոն Ավետիսյան, Երևանի ավագանու ընտրություններն առաջինն են Սերժ Սարգսյանի նախագահության օրոք, բայց կանխատեսում են, որ հաջորդը և, հավանաբար, ոչ ուշ, քան այս աշնանը, տեղի կունենան խորհրդարանական արտահերթ ընտրություններ: Տեսնո՞ւմ եք դրա միտումները:}

 ^{- Քաղաքական իրավիճակի փոփոխության դեպքում միշտ սպասելի են նման զարգացումները: Եթե Երևանի ավագանու ընտրությունների արդյունքների հրապարակումը ցույց տա, որ քաղաքական որոշ ուժեր, որոնք ներկայացված են կոալիցիայում, հավաքել են ընդամենը 1-2 տոկոս, ապա բնական է, կստեղծվի քաղաքական նոր իրավիճակ: Ակնհայտ է, որ դա քաղաքական բոլոր գործիչներին, վելուծաբաններին ու մյուսներին խոր մտորելու տեղիք կտա, այնպես որ, նման իրավիճակում խորհրդարանական արտահերթ ընտրություններ բացառելը ճիշտ չէր լինի: Մանավանդ, դա, ըստ իս, հասարակության պահանջն է:} 

"Համերաշխություն" շարժումն այսօր քննարկել է Վրաց-Օսեթական հակամարտության մանրամասներն և անընդունելի է համարել ռազմական ճանապարհով որևէ հարցի կարգավորումը: Այս մասին Պանոռամա.am - ին հայտնեց շարժման համակարդող  Սարգիս Ավետիսյանը:
-Մենք անընդունելի ենք համարում երկու քրիստոնյա ժողովուրդների միջև ռազմական ճանապարհով որևէ հարցի լուծման ձևն ու կոչ ենք անում դադարեցնել ռազմական գործողություններն ու վերականգնել համերաշխության մթնոլորտ,- ասաց նա: Նրա խոսքով, ճիշտ կլինի, որ հայաստանյան իշխանությունները հանդես գան համերաշխության կոչերով ու առաջարկեն միջնորդի կարգավիճակ:
"Երկուսն էլ մեր հարևաններն են, ու մենք սերտ հարաբերությունների մեջ ենք նրանց հետ: Միջնորդի դեր ստանձնելով , պետք է ապահովել համերաշխությունը",- նշեց Ս. Ավետիսյանը: Նա ընդգծեց, որ Հայաստանը ոչ միայն համերաշխություն արտադրող երկիր պետք է լինի, այլ նաև` արտահանող: Կովկասյան երկրներում ծագած հարցերի լուծման ժամանակ հայերը միշտ էլ միջնորդի դեր են կատարել. այս անգամ էլ պետք է դա անել:Նշենք, որ Համերաշխություն շարժումը, մի փոքր հանգստից հետո, օգոստոսի 20-ից ծավալելու է ակտիվ գործունեություն:  www.panoram.am

Կոնգրես հյուրանոցում Համերաշխություն շարժման նախաձեռնությամբ կազմակերպվել էր ֆորում, որը  կրում էր "Հանուն Համերաշխ Հայաստանի" կարգախոը: Ֆորումի աշխատանքներին մասնակցում էին 33 հասարակական կազմակերպություններ, ներկա էին նաև երկրի ապագայով մտահոգ մտավորականներ և հասարակական հայտնի գործիչներ: Բուռն քնարկումներից հետո ամփոփիչ ելույթով հանդես եկավ Շարժման համակարգող Սարգիս Ավետիսյանը, ով առաջարկեց համատեղ կոչով դիմել մեր հասարակությանը.                                                                                   ՀԱՄԵՐԱՇԽՈՒԹՅԱՆ ԿՈՉ
Սիրելի հայրենակիցներ, մարտիմեկյան իրադարձությունները և վերջին օրերի դեպքերը շարունակում են թողնել իրենց բացասական հետևանքները` խաթարելով մեր ժողովրդի անդորրը, առաջ բերելով հասարակական և բարոյական խորը ճգնաժամ:
Մեր հասարակությունն այժմ գտնվում է աննախադեպ անհամերաշխ իրավիճակում, որտեղ հայը հային դիտում է ոչ թե բարեկամ, այլ` թշնամի:
Համերաշխություն շարժումը կոչ է անում մեր ժողովրդին ցուցաբերել խոհեմություն և պահանջում պետական մարմիններից ձեռնարկել համապատասխան միջոցներ մեր երկրում հասարակական համերաշխությոան կայացման ուղղությամբ, իսկ ընդիմության ներկայացուցիչներին հորդորում  է չկատարել քայլեր, որոնք  էլ ավելի կխորացնեն թշնամանքի մթնոլորտը մեզանում:

Մեջբերում "Համերաշխություն" շարժման Համակարգող Խորհուրդի հայտարարությունից - 03.03.2008թ. 

ՄԱՐԶԵՐԻ ԵՐԻՏԱՍԱՐԴՈւԹՅՈՒՆԸ ԴԵՊԻ ՀԱՄԵՐԱՇԽՈւԹՅՈւՆ
Վերջին ժամանակներում "Համերաշխություն" շարժումը ակտիվացրել է գործունեությունը հանրապետության մարզերում: Մասնավորապես ս/թ. հուլիսի 11-ին Վանաձոր քաղաքում, իսկ հուլիսի 17-ին Եղեգնաձոր քաղաքում:
Կազմակերպված հանդիպումներին մասնակցում էին տարածաշրջանի երիդասարդական հասարակական կազմակերպությունները: Վանաձորում հանդիպմանը մասնակցում էին 34, իսկ Եղեգնաձորում 41 երիտասարդական Հ/Կ-ների ղեկավարներ:"Համերաշխություն" շարժման կողմից հանդիպմանը մասնակցում էին շարժման համակարգող Սարգիս Ավետիսյանը, համակարգող խորհրդի անդամներ`Արթուր Դալլաքյանը, Սամվել Հակոբյանը, Սաթիկ Բաղդասարյանը, Սամսոն Ղուկասյանը և շարժման պատասխանատու քարտուղար Մարիամ Մովսիսյանը:Հանդիպման ընթացքում Սարգիս Ավետիսյանը ներկայացրեց "Համերաշխություն" սոլիդարիզմ գաղափարախոսության հիմնական դրույթները, որը ներկանների կողմից ընդունվեց մեծ ոգևորությամբ: Հանդիպուները մեկ անգամ ևս ցույց տվեցին, որ "Համերաշխություն" շարժումը ունի շատ համախոհներ երիտասարդության շրջանում: Հաջորդ հանդիպուները նախատեսվում են անցկացվել Կապանում, Մասիսում Աբովյանում և Երեվանում:

Հանրապետությունում առկա քաղաքական իրավիճակի շուրջ մեր ընթերցողների հետ իր մտորումներն է կիսում "Համերաշխություն" կուսակցության նախագահ, "Համերաշխություն" շարժման համակարգող Սարգիս Ավետիսյանը:

-Այս շարժումը պատմական անհրաժեշտություն էր. ստեղծվելով անցյալ տարվա նոյեմբերին` այն իր առջև նպատակ դրեց երկրում ստեղծել համերաշխության մթնոլորտ: Մենք նախընտրական ժամանակաշրջանում արդեն կանխագուշակել էինք, որ ընտրական և հատկապես ետընտրական փուլերում կլինեն անհամերաշխության դրսևորումներ, ցույցեր, դժգոհություններ: Թեկնածուներից մեկը`նախկին նախագահ Լևոն Տեր-Պետրոսյանը, անհնազանդության կոչեր էր անում, նրա ելույթները թիրախավորված էին: Նա խոսում էր հասարակության տարբեր շերտերի համար. մտավորականության համար`առանձին, բանվորի-գյուղացու համար`առանձին: Տեր- Պետրոսյաննին հաջողվեց իր կողմը գրավել այն ընտրազանգվածին, որը դեմ էր այս իշխանություններին: Նրան միացան նաև այն մարդիկ, որոնք ծարավի էին իշխանության: Ամբողջ ընտրարշավը նախկին նախագահը կազմակերպում էր այնպես, որ հնարավորինս մեծ ընտրազանգված հավաքվի: Եվ դա նրան հաջողվեց: Հասարակությունը բևեռացվեց, և այդ բևեռների միջև պայքարն անխուսափելի էր: Պաշտոնական տվյալներով`350 հազար մարդ քվեարկել է Տեր-Պետրոսյանի օգտին: Այդքան մարդ չի կարող լինել թյուրիմացության մեջ, ինչպեսև  չի կարող 800 հազար մարդ "տականք" լինել: Մեր ազգը չի կարող բաղկացած լինել "թյուրիմացություններից" և "տականքներից": Մեր շարժումը ուշադիր հետևում էր այդ գործընթացին, և վերջում մենք քաղաքական հայտարարություն արեցինք: Քանի որ մենք ասել էինք, որ կպաշտպանենք այն թեկնածույին, որը կլինի ամենահամերաշխը: Մենք չենք շեղվել մեր սկզբունքներից. այն է`ինչը տարանջատում է ազգը, մենք դեմ ենք դրան և պաշտպանում ենք այն, ինչը համախմբում է ազգը: Վերլուծելով նախընտրական փուլը` եկանք այն եզրակացության, որ մենք չենք կարող ասել, թե ով է ամենահամերաշխ թեկնածուն, քանի որ առնվազն երեք թեկնածու խոսում էին համերաշխության մասին. Վ. Մանուկյանը, Ս.Սարգսյանը և Ա.Մելիքյանը: Այդ երեքից մենք չկարողացանք առանձնացնել մեկին: Սակայն ամենաանհամերշխ թեկնածույի հարցով մենք միաբն էինք: Դա Լ. Տեր-Պետրոսյանն էր, և այդ մասին մենք հայտարարել էինք: Դա էլ հասկանալի էր. չէ որ նա ընդդիմության լիդերն էր: Նա գուցե և ճիշտ էր քաղաքական առումով մարտավարության մեջ, բայց դա շատ վտանգավոր էր ռազմավարության առումով: Այդ ռազմավարությունը խիստ վտանգավոր էր մեր երկրի համար: Հիմա փաստորեն ունենք մի իրավիճակ, ուր հասարակությունը պառակտված է, և բոլոր քաղաքական ուժերի թիվ մեկ խնդիրը պետք է լինի համերաշպության ապահովումը մեր հասարակության ներսում:
Այսօր մեր հարապետությունում գաղափարական վակում է, պետությունը չունի գաղափարախոսություն: Սովետի ժամանակ մեր գաղափարախոսությունը սոցիալիզմն էր, 90թ.-ից հետո` լիբերալիզմը: Անհամերաշխության ծիլերի համար պարարտ հող է այն հանգամանքը,որ մեր երկիրը չունի այսօր գաղափարախոսություն: Մենք առաջարկում ենք,որ առաջադեմ շատ երկրների նման մենք նույնպես մեր երկրի համար որպես գաղափարախոսություն ընդունենք Սոլիդարիզմը (համերաշխությունը ): Սա 21-րդ դարի գաղափարախոսությունն է: Ինչու սոլիդարիզմ, որովհետև ամբողջ աշխարհում տեղի է ունենում գլոբալիզացիա: Այսինքն` բոլոր քաղաքական ուժերը,որոնք ունեն միանման գաղափարախոսություն, միավորվում են և ստեղծում շարժումներ: Այսօր Հայաստանում գործում է շուրջ 75 կուսակցություն,որորք բոլորն էլ ունեն իրենց համախոհները, ոմանք`շատ, ոմանք`քիչ: Այսինքն` ժողովուրդը մասնատված է 75 կուսակցությունների միջև: Միավորման դեպքում`կգործեն ընդամենը մի քանի, արդեն բավականին հզոր շարժումներ, և ժողովուրդը ավելի միասնական ու ավելի համերաշխ կլինի: Եվ, արդարև, ընտրությունների ժամանակ պայքարը ավելի շուտ կլինի ոչ թե անձերի միջև , այլ գաղափարների: Գաղափարների միջև պայքարը դժվար թե բերի քաղաքական այնպիսի լարված իրավիճակի, ինչպիսին այժմ մեր հանրապետությունում է: Մեր կարծիքով, ներկա քաղաքական իրավիճակից դուրս գալու ելքերը հետևյալն են`
Առաջին`մեր երկրում սոլիդարիզմը, այսինքն` համերաշխությունը, պետք է հռչակվի որպես գլխավոր գաղափարախսություն:
Երկրորդ` ձևավորվի համերաշխության կառավարություն, որի մեջ նաև ընդդիմադիր գործիչներ լինեն:
Երրորդ` որպես համերաշխության քայլ`համաներում հայտարարել, և ազատ արձակել բոլոր ձերբակալվածներին, իհարկե, բացառությամբ` քրեական հանցագործների:                                      _{"Արարատ" շաբաթաթերթ  21.04.2008}

 «Համերաշխություն» հասարակական-քաղաքական-սոցիալական շարժումն այսօր իրականացնում է «Հանուն համերաշխ Հայաստանի» ակցիան: Շարժման մասնակից երիտասարդները վաղ առավոտից մետրոյի կայարաններում քաղաքացիներին են բաժանում շարժման բուկլետները և առաջարկում են ստորագրել, եթե կողմ են երկրում համերաշխություն հաստատելուն:

Ակցիայի կապակցությամբ «Համերաշխություն» շարժման համակարգող Սարգիս Ավետիսյանը Panorama.am-ին փոխանցեց. «Ստորագրությունները հավաքում ենք, որ հասարակությանը ցույց տանք՝ ինչքան կողմնակիցներ ունի այս շարժումը»: Նա նաև նշեց, որ ապագայում հնարավոր է՝ ստորագրությունները սոցիալական հարցման տեսքով մոնիտորինգի միջոցով ներկայացվեն հանրությանը:

Ինչ վերաբերում է ակցիայի քաղաքական ենթատեսքտին, ապա Ս.Ավետիսյանը պարզաբանեց. «Ակցիան ընդհանարապես կապ ունի համերաշխության հետ` կլինի նախընտրական, հետընտրական, թե ընտրական շրջան: Քանի որ այս փուլում քաղաքականը շատ ավելի դոմինանտ վիճակում է, դրա համար քաղաքական ակցիա ենք անում: Իսկ ընտրություններից հետո կանենք սոցիալական ակցիա»:

Աղբյուր` Panorama.am

 "Փաստարկ" ակումբում տեղի ունեցած ասուլիսի ժամանակ "Համերաշխություն շարժման համակարգող Ս.Ավետիսյանը տեղեկացրել է արդեն սկսված "Հանուն Համերաշխ Հայաստանի" ակցիայի նպատակի մասին և պատասխանել լրագրողների բազմաթիվ հարցերի: “Համերաշխություն” շարժումը փետրվարի 5-ից Երևան քաղաքում իրականացնում է ակցիա "Հանուն Համերաշխ Հայաստանի" կարգախոսով: 4 օրերի ընթացքում հավաքվել են 18.000-ից ավելի ստորագրություններ այն քաղաքացիներից, որոնք կողմ են Համերաշխ Հայաստան ունենալու կոչին: Համամարդկային մեծագույն արժեքի նկատմամբ մեր քաղաքացիների ջերմ վերաբերմունքը և ակտիվ մասնակցությունը, գալիս են ապացուցելու այն իրողությունը, որ համերաշխության գաղափարը հոգեհարազատ է մեր ժողովրդին և համահունչ է մեր ազգի բազմադարյա էությանը: Քաղաքացիները ողջունում են այս նախաձեռնությունը և ցանկություն հայտնում ունենալու մեծ ակտիվություն, և պատրաստակամություն են հայտնում` միանալու մեկ ընդհանուր գաղափարի շուրջ, երկրում ստեղծելու համերաշխության, հանդուրժողականության և բարոյահոգեբանական առողջ մտնոլորտ: Մեկ օրվա ընթացքում կենտրոնոկան գրասենյակ են այցելում և զանգահարում 100-ից ավելի քաղաքացիներ, ցանկություն հայտնելով իրենց մասնակցությունը ցուցաբերելու "Հանուն Համերաշխ Հայաստանի" ակցիային: