Սիրելի՛ հայրենակիցներ, շնորհավորում եմ բոլորիդ Ամանորն ու Սուրբ ծնունդը, ցանկանում եմ, որ 2020 թվականին գտնվեն զարգացման նոր ուղիներ, լինի անձնական ու համամարդկային ջերմ ապրումների, ցանկությունների իրականացման, հաջողությունների, ձեռքբերումների, սիրո և իրական համերաշխության տարի։ Ձեզ և Ձեր ընտանիքներին մաղթում եմ առողջություն, երջանկություն, սեր եւ ուժեղ կամք, իսկ մեր զինվորներին՝ քաջություն և առողջություն՝ առանձնահատուկ շնորհակալություն հայտնելով մեր անվտանգությունն ապահովելու համար: Նոր տարում բոլորիս թող ուղեկցեն միայն հաղթանակները։ 2019թ. պատմության գիրկն է մտնում իր բարի և չար արարքներով, իր լավ ու վատ գործերով: Յուրաքանչյուրս մեր լուման ունենք մեր երկու հայրենիքների՝ Հայաստանի և Արցախի զարգացման և անվտանգության գործում, ինչն ամենից կարևորն է էլ ավելի վստահ քայլերով առաջ գնալու համար: Մեր ուսերին է դրված բարեկեցիկ և ազատ հայրենիք կառուցելու դժվարին, բայց հաղթահարելի այդ ծանր բեռը: Ուստի ցանկանում եմ, որ գալիք 2020 թ. ուրախություն ու երջանկություն բերի Ձեզ: Համբերություն ու նորանոր եռանդ Ձեր աշխատանքում: Եղեք ներող և բարեհոգի, բայց ամենից գլխավորըառողջ և լավատես։ Նոր տարին և հատկապես Սուրբ ծնունդն այն բացառիկ տոներն են, որ միավորում են բոլորիս
անկախ ամեն ինչից: Դրանք տոներ են, որ առիթ են տալիս ամփոփելու անցնող տարին, ծրագրելու անելիքները, մտորելու գալիքի մասին: Ի վերջո, դրանք տոներ են, որոնցից հույս է ճառագում, մարդեղություն բխում, միմյանց հանդեպ սեր և համերաշություն ծորում։ Աստված բոլորիս պահապան։
«Համերաշխություն» շարժման համակարգող՝ Սարգիս Ավետիսյան