Համերաշխություն շարժումն ստեղծվել է Համերաշխություն կուսակցության գաղափարական հենքի վրա` առաջնորդվելով կուսակցության որոշումներով: Կուսակցության վարչությունը որոշում էր ընդունել, ելնելով համամարդկային մեծագույն գաղափարախոսության` Սոլիդարիզմի կամ Համերաշխության կարևորությունից, դուրս գալ նեղ կուսակցային շրջանակներից և ստեղծել ապակուսակցական "Համերաշխություն" շարժում: Ապակուսակցական, սակայն ոչ ապաքաղաքական միավորման ստեղծումը բացառիկ երևույթ էր Հայաստանի քաղաքական իրականության համար: Այն հնարավորություն տվեց հազարավոր հայորդիների ընդգրկվելու Շարժման գործունեության մեջ` Հանուն Համերաշխ Հայաստանի:  Շարժումն օրեցօր նոր թափ հավաքելով` կարճ ժամանակահատվածում կարողացել է  կատարել ծանրակշիռ աշխատանք: Այն այսօր ոչ միայն քաղաքական, այլև հասարակական-սոցիալական շարժում է, որն իր գործնեությունն իրականացնում է Հայաստանի Հանրապետության ողջ տարածքում: Շարժմանն այժմ անդամակցում են ոչ միայն հասրակական հայտնի գործիչներ, գործարարներ, մտավորականներ, այլ նաև բազմաթիվ Հասարակական կազմակերպություններ և Աշխատանքային Արհմիություններ, որոնց թիվը հատում է երեք տասնյակի սահմանագիծը: Շարժման համակարգող խորհուրդն ակտիվորեն համագործակցում է արտերկրի գաղափարակից ուժերի, այդ թվում նաև լեհական "Սոլիդարնոստ" շարժման հետ:

1980 թվականի օգոստոսի երեսունմեկին Լեհաստանի կոմունիստական կառավարությունն օրինականացրեց ՚՚Համերաշխություն՚՚ արհմիութենական անկախ կազմակերպությունը։ Գդանսկի նավաշինարանի գործադուլավորների եւ Լեհաստանի կոմունիստական կառավարության պատվիրակների միջեւ պատմական համաձայնագրի ստորագրումը տեղի ունեցավ 37-ամյա էլեկտրիկ Լեխ Վալենսայի կողմից առաջնորդված երկշաբաթյա հակամարտությունից հետո։ Շուտով ՚՚Համերաշխությանը՚՚ միացան մտավորականներ, դերասաններ եւ Լեհաստանի նորաստեղծ ընդդիմությունը։ 1981 թվականի դեկտեմբերին, Լեհաստանի ղեկավար Վոյցեխ Յարուզելսկին երկրում հայտարարեց պարետային ժամ, առկախեց ՚՚Համերաշխություն՚՚ կազմակերպության գործունեությունը եւ ձերբակալեց դրա ղեկավարներից շատերին։ Սակայն, 1989 թվականին վարչակարգը հարկադրված էր հրաժարվել իր իշխանությունից։ Որոշ առումով, ՚՚Համերաշխություն՚՚-ը նախադեպ ստեղծեց 21-երորդ դարի ժողովրդավարական շարժումների համար։

Արդեն մի քանի տարի է, ինչ Համերաշխության հայրենիքում` լեհական Գդանսկում, գործում է "Ճանապարհ դեպի Ազատություն" ցուցահանդեսը: Ցուցահանդեսը գործում է Եվրոպական Համերաշխության Կենտրոնի (ESC) աջակցությամբ, որը հիմնադրվել է 2007 թվականի նոյեմբերի  8-ին Գդանսկի քաղաքապետի և Համերաշխության տեղական գրասենյակի կողմից: Ցուցահնդեսում ներկայացված է 20-րդ դարի խոշորագույն "Սոլիդարնոստ"  Շարժման պատմությունն` ըստ Ժամանակագրության: